平時參加婚禮或婚宴見到新娘子的花球都大同小異的模樣。人所共知香港多見水泥少見花草，花墟常見的較常見較平價花材多數由中國或台灣入口，由外國進口的價錢除了較貴外，有時亦礙於收成問題，就算你有錢都未必買到心儀花材。所以so sorry咁講，由於供應問題，好多B2B在外國網上見到的鮮花球款式較難在本港見到。
至於絲花方面，別以為假花你就可以要咩款有咩款！其實花材款式好取決於當時（或附近時間）出產何種花材，以繽紛咁大間鋪來說，如某款花材已售清，店員都唔可以肯定答到幾時返貨，所以同樣會有無花用的問題出現。
所以不論是鮮花球或絲花球，大部份花作人可能為了play safe，以致香港能見到的款式變化都不多，來來去去都係個幾種花，又或都是圓圓的，來來去去都係差唔多的款。所以我成日同朋友講負擔到的話鮮花係好選擇。
小妹見識不多，只係識造絲花花品，唔敢話介紹各位B2B應該幫襯邊度整花，以下介紹純粹以外表而言，我覺得她們的作品幾靚，認為可俾大家睇下本港的花品設計師的靚靚作品，唔使睇住外國網站得個恨字。如果你對她們的作品有興趣，請自行跟她們聯絡以獲得最新收費概況及有關細節，謝謝 🙂
1） 文靜花國 （ https://www.facebook.com/ManChingBlooms?fref=ts ）
（圖片來源：文靜花國facebook）
其實文靜花國已是口耳相傳旳好花店，在其他網誌也有很詳細的介紹，我也不作重覆了（因我没有親身接觸過對方）。雖然聽說價錢略高於其他的店家，但據說她的期經常爆滿，如想找她設計花品的B2B記緊預早Book期。從facebook可見她也有開班教授製作花品，B2B可以約幾個朋友去flower jamming ！
2) Lily Sarah Flowers ( https://www.facebook.com/LilySarahFlowers?fref=ts )
（圖片來源：Lily Sarah Flowers facebook）
小妹身邊較少人提及這家，她有提供鮮花及絲花品，但我覺得她的鮮花作品較絲花出色，所以上面幾張相都係鮮花品。不過假若要訂購鮮花球及絲花襟花或車花等作品，一次過在同一家店訂購又好似比較方便溝通及收貨，但壞處就係若果做得唔好，咁就一炮雙响，鮮花同絲花都攬炒，到時都唔知點算。又有無朋友可以分享下關於呢方面經驗呢？
ritzyday.wordpress.com 