到尖沙咀百利訂造姊妹裙

表妹結婚搵我做姊妹,例牌要買條姊妹裙。表妹特別表明各位姊妹不得用各種款式的披肩,因為覺得大熱天時著披肩九唔搭八,不過她說大家可自由選擇裙款:只要是長裙及統一深灰色。

早前相約大家一同到惡評遠播的尖沙咀度身造裙,我忍唔住問:「表妹,據說好多黑店喎,咁搏?」她說是朋友介紹,咪試下囉,反正天下烏鴉一樣黑,都係賣緊個D貨。咁又係,所謂「度身訂造」,好多鋪頭都只係係咁二度下腰圍胸圍長度,跟住就搵條現成裙修改一點,改到你一肚氣!!(小妹曾在尖沙咀solo tower幫襯過極差的店,稍後再開新post這詳說)

上到去,已經有另一group的姊妹在選購及度身,但因地方尚算寬敞(估大約200呎吧),所以全店有大約十位女生在吱吱喳喳挑裙子也未算擠迫。因店內不准拍照,所以没有照片可給大家參考。店內左右2邊掛滿不同色系的裙子,有長有短,有常見的大路款,也有較特色的款式。由於我們的顏色是深灰色,所以我就眼望望搵深灰色,「無深灰喎老表!」,店員說「你們只管挑款就好了,可改造你們要的顏色」,店員是一位約50多歲的女士,說時正為另一group的女生度身。好似好堅咁喎⋯⋯

由於小妹心口有D肉地,所以一向好怕著low cut,因腋下的2舊鬼鼠肉一定會豪不留情咁出賣我⋯⋯儘管我唔會太肥(但都唔算瘦😛 )所有low cut我都唔會選擇!同時我唔鐘意心口位太多ruffle 或detail,因會令自己看起來好大隻。基於以上原因,我可以選擇的已經不多,所以我用最短時間選了自己的裙子了:一條入膊掛頸低胸的A line裙。没有多餘的detail,最大賣點就係低胸露背。

拿著demo試身,早已預計唔會拉得上拉鏈,不過唔知最近係咪太辛勞,所以奇蹟地著得落條裙。這條裙成功收起鬼鼠肉,亦令原本身型不算纖瘦,膊頭有點橫的我看起來瘦了一點,又有一點點貴氣。唔錯唔錯,簡單不搶鏡之餘又見得人,一於就呢條。

另一位身型纖瘦姊妹見呢條裙咁神奇,都想試試這款她未試過的款式。可惜有點baby face的她穿起來有點老氣(我也不是這麼老啦!!),而且心口空洞洞,撐不起件衫。我們都覺得她適合穿另一條low cut 款,看起來比較可愛清新。

還好新娘子給我們自選款式,大家都挑到自己穿得好看的裙子。大家拿著裙子去給店員度身,我跟她說demo的款式我穿得下,只要略為放鬆一點點呎吋就好了,誰知她搖搖頭說「裙子全都是度身造,不是現貨改size的。」,嘩!真定假呀?如果係真,幾日蚊條裙絕對超值!我拭目以待收貨睇實物係咪咁啱身!

因我都未收到實物,所以暫不作推介,免得大家中伏及為不良店家宣傳。所以大家緊貼我的最新post吧。

題外話一提:由於我們想統一深灰色去造裙,店員說我們要選同一間廠的裙(可不同款),詳情請自行詢問店員。

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s